Дутуу бүхэндээ хорогдон эргэн хурган үдэллээ

Долоон бурхан нуурын долгионд буучихаж

Дотнохон дүрийг чинь тэнд бас зурчихаж...

Доголон нулимасаа хуурамч инээдэндээ зангидавч

Дурсамж хийгээд зөгнөлөө бодохуй,элс самаран үймэрмээр...

Тамираан тасартал гүйлдэн ус үсчүүлэн нааддагсан...

Танхил гэнэн насаа, нуурийн хөвөөнд гээж дээ...

Дүнсгэр жаахан нуур нөхөрлөл нэхэн булингартана...

Дууны сайханыг аялах гэтэл хоолой дутаад хүрсэнгүй ээ

Харц татам залуус үүгээр түүгээр хөшилдөнө

Хайрлан дурлаюу гэтэл чамаар дутаад чадсангүй ээ

Халгих голын цалгиа үүмэн сүүмэн бүртэлзээд  л...

Хаанаас ч юм бэ чи ирж л яваа санагдаад л...

Гэнэхэн, сэхүүхэн миний л манант өдөрүүд

Гэм зэмгүйхэн омголон нэгэн бардамнал...

Гэрэл сүүдэрийн алинд нь ч тод байх оршихуй

Гэгээн тунгалаг усны долгио бүхэнд ургана...

Аялах дуртай дуу минь үнэн сайхан үгтэй

Амин зүрхний чи минь төлөв Монгол царайтай

Хамаг үгээ хэлсэн зүрх минь энэ л нуураа эргээстэй

Хальтарсан газарийнхаа тоосноо л хайраа хадгалах юмдаа....................

Эрэвгэр нүдээ ирмээд инээсэн

Эхнэртэй залуугийн харцанд

Эрхгүй нэг би бүдэрчихлээ...

Нууцхан амраг гэдэг хэзээ ч жаргадаггүй гээд

Нуугдаж уйлчихаад нулимасаа арччихлаа

Нулимас дагуулсан зовлонг төгсгөх гэж

Нуурын гүнрүү догдлолоо чулуудчихлаа...

Хачин гуниг зүрхэнд үерлэж

Хайрлаж болохгүйн гачлантай эвлэрнэ

Хамгийн сайхан эрчүүд минь цөмөөрөө

Ханьтай, үртэй л байх юм даа...

Энхрийлэл,хайраараа намайг догдлуулсан ч

Эхнэртэй залуу минь чи бүүр явдаа!!!

Эрхэмсэг гоог олж харсан нүдэн дээр чинь л

Эмзэглэн ,эмзэглүлэн байж нэг л үнсъе,уучил!!!!...

Салхи бараадсаар хагдарчихаж

Хэнэггүй гэнэн ааль

Зовлонд дарагдаад зэвэрчихэж...

Хээнцэр гоо төрх минь

Гунихын аясаар гундчихаж...

Хэн нэгэн намайг хараад

Зүрх алдан догдолохоо больчихож...

Хаашаа ч явсан цуг гэж

Хашгирч явсан нэгэн

Хаа нэгтээ таарахдаа

Танихгүй зөрдөг болчихож....

Үхтэлээ үнэнч гэж зоргоороо амладаг ч

Үеийн үед худлаа л байдаг энэ хайрыг

Үгээгүй ядуу ч бай.өвчтэй зовлонтой ч бай хамаагүй ээ

Үхэхийн өмнө ядаж,үнэнээр нь амсаж нэг үзэхсэн!!!!

Холын бороо наашилсаар зүсэрлээ

Хойтон жилийн нар хурыг зөгнөнө үү

Хэнз бороо устай дуутай шуугилаа.

Нарны нулимасуу гэмээр шаагим халуун бороо

Навчис бүжиглүүлж,тэнгэр уйлуулан асгарлаа...

Намарын сүүлчийн л бороо байх даа,

Нар аль эрт буцчихсан юм чинь дээ...

Цасны өмнөх бороо........... уй эргээвч

Цаанаа л учиртай.............. энэ удаад,

Аяз ,эгшигэн салхи сэрчигнээд л...

Аниргүйд чимээрхэнэ.............

Айсуй баярын зөн

Хөндүүр зүрхэнд үйнэ...

Амин зүрхний чи минь

Хүрээд ирдэг байгаа...

2008.10.28 нд....

Гэрлэн цэцэг шoнийн тэнгэрийг гоёж

Гийх оддыг баярын бvжгэнд урих шиг

Гацуурын мoчирт саа инээмсэглэн мoнгoрooд

Газар дэлхийг цасан ширхэг бvрхэнэ

Чиний минь инээдэнд хуучин он улирлаа

Шинэ жилийн мэнд хvргэе хайрт минь

Очтон цацрах шoнийн тэнгэрийг гангалж

Оддын тэндээс болрын vртэс бударна

Оргилуун дарс мoсoн жүнзэнд хooсoрч

Орчлон хорвоог цасан охид бvрхэнэ

Чиний минь инээдэнд хуучин он улирлаа

Шинэ жилийн мэнд хvргэе хайрт минь

Амтат бялуу баярын ширээг чимж

Анивчих гэрэл номин шилмvvсэнд туяарна ...

Шинэ жилийн мэнд хvргэе хайрт минь

Шинэ ондоо та бvхэн минь хамгийн

аз жаргалтай яваарай!!!

Шүлэгийн мориндоо дөрөөлж,чиний араас давхиж

Шүүдэр буусан талаар 1000н жил довтоллоо

Мянган жилиийн нүүдэлд ганц л заяасан амраг минь

Миний нутагт унасан сарны нулимас юмшүү чи!

Нартын энэхэн амьдарлаас дусал нулимас шиг тасарлаа ч

Найраг шүлэгийн минь мөрүүдэд мөнхөрч үлдэх бадаг юм шүү чи!

Өлмийгөө өргөн байж чамайгаа үнсэх сайхан

Өөр ертөнцөд одсон юм шиг гэгээн агшиныг эдэлдэг

Үл ялимагхан бөхийсхийн хацараа өгөх чинь сайхан

Өдөрийн од шиг тохиосон миний л ганцхан амрагаа!

Гал залуугийн чинь хийморь хэвээрээ байхад

 Гандсан гундсан үгээр өөрийгөө бүү элээ!

Үлээх салхи,хур бороонд ч гандаагүй

Үзэмжийн чинь өмнө сэтгэл бахдаж явдаг шүү би!

Хурмастын хишиг,нартын ерөөлөөр учирсан

Хувь ганцхан чи минь ээ!

Дээдийн жаргал,дэлгэрхэн бүхнийг чамдаа амлаагүй ч

Дэргэд чинь би уйтгар гунигийг мартдагаа...